داوي جرحي \\\\ عصام إمام

داوي جرحي
...............

اوعي يجيي يوم تجرحيني
قلبي مش ناقص جراح
عايز انسي الحزن بيكي
عايز اعوض اللي راح

انتي بيكي الزمن صالحني
قال جرحتك .. قال سامحني
حب وافرح .. وانسي ظلمي
ليه تفكر في اللي راح

قبل منك شوفت ياما
والدموع سابت علامه
ياما شوفت كتير أسيه
وشي نسياه الابتسامه

اوعي يجي يوم تظلميني
او تروحي وتهجريني
احتويني..احضنيني
وف حنانك غرقيني

وانتي ليكي حق عندي
ليكي حبي وكل ودي
عمري كله وهبتهولك
مستحيل يوم انسى وعدي

يلا نعشق يلا نفرح
خلي شجر الحب يطرح
هاتي ايدك بين ايديا
وف عيونك عيني تسرح

عصام إمام
24/7
2017