إرجعي \\\\ عصام إمام

إرجعي
........

متقوليش مين اللي باع
ايه يفيد .. والحب ضاع
انا السبب ..
انتي السبب ..
ازاي قدرنا نقول وداع

ضاعت وعودنا في ليل حزين
وضاع معاها عشرة سنين
ابكي عليها
ولا عليكي
وايه يفيد .. بكا وانين

انا مش تاعبني غير ذكرياتي
وبسمه ساكنه مابين آهاتي
وازاي راح انسي
ولا انتي حاسه
دا الحلم عشته فيكي يوماتي

دموعي نازله فوق الخدود
ااقول لحالي يمكن تعود
يمكن هتيجي .. اكيد هتيجي
اصل الي بينا مالوش حدود

بلاش تعاندي وبلاش عتاب
يكفينا هجر دا انا قلبي داب
هاتي ايديكي في حضن ايدي
تنشف دموعنا وننسى العذاب

عصام إمام