( يا ناكر الحب ) \\\\\\ عصام الباز

( يا ناكر الحب )

لما إديتك أحلى سنين
قمت إديتني ألم وأنين
أنا سمعتك أحلى كلام
بأسمع منك أشد ملام
قولت لكل الناس عاشقاك
ألاقيك تطلب إني أنساك
جوة عيوني أكيد خبيتك
تجازيني بإني أهجر بيت
كنت أناديك وأقوللك روحي
في ردة فعلك بتزيد نوحي
بأوصف فيك ومانيش خايفة
وإنت ماسكلي كده ع الهايفة
وهبتك روحي ع المكشوف
وإنت في حبك ميت خوف
عمري ما أنسى غدرك بيا
قاعدة حب : صفي النية

عصام الباز