الثلاثاء، 11 يوليو 2017

عيد ميلادي \\\\ عصام إمام

عيد ميلادي 
.............

عيد ميلادي لما شوفتك
و إدتيني يومها صورتك
توهوني رموش عينيكي
و قلبي راح ينده عليكي

قلبي قال مليون بحبك
كل املي ابقى جنبك
بين ضلوعك .. جوه صدرك 
يبقي دمي هو دمك

يومها حسيت بالامان
يومها طاب جرح الزمان
لما قولتيلي بحنان
جوه قلبي ليك مكان

يوم ميلادي لما اتواعدنا
ع الوفا يومها اتعاهدنا
مستحيل حاجه تباعدنا
حبنا اكبر واقوى ..
لو زمانا في يوم عاندنا

هو ده عيد ميلادي
ابتدى بس الساعه دي
يوم ما شبكنا الايادي
والقمر غار من ودادي

يومها جبت وردتين
ورده ليكي وورده ليا
ما انتي من ربي هديه
وفرح ايامي اللي جايه

عصام إمام
8/7
2017


 ربما تحتوي الصورة على: ‏‏شخص واحد‏، و‏‏‏‏شموع‏، و‏نار‏‏ و‏ليل‏‏‏‏

ليست هناك تعليقات:

إرسال تعليق