======ام ملايا اللف===========
قاعدلوحدى بشرب شاى الاصطباحة
عدت ام الملايا اللف تتمايل بالراحة
العودغصن لبان يغذى نظر الحيران
والقوام واه من القوام غزلانى
واتارى نارشوقى له وخدانى
قولت ياحلو صبح عليا وميل
دناقلبى من جمر شوقة اصبح عليل
ردت وقالت عيب
يالى فى الاخلاق نبيل
وان كنت مش عارف البيت
تعالى اورلهولك ياجميل
قولت الحلو بس منين
قالت انا بنت وادى النيل
وللغلط عمرى مااميل
وان كنت ناوى على اللقا
يكون لينا الشرف يالى قلبك عليل
وان كنت بتتسلى ورينا
عرض قفاك ياعويل
بصراحة عجبنى ردهابنت الاكرمين
وعلى طول على بيتها
اصل انا فى الحب قتيل
وفرحت بيا وفرحت بيها
هودة الحب الاصيل
======نبيل الشضاوى======
ليست هناك تعليقات:
إرسال تعليق