ذنبي إيه
..........
ذنبي ايه
لو كنت شاعر
و إن قلبي
يعشقك
واني اغزل
من حروفك
شعر برضه
بيعشقك
كل املي
اني اشوفك
تسمعيني
و أسمعك
ذنبي ايه اني
عشقتك
باللي مالكيش
في الكون مثيل
يومها ضعت
في سحر عينك
يومها تاه
مني الدليل
حلمي اقضي
العمر جنبك
حلمي صعب.. و مستحيل
ذنبي إيه اني
المحك نايمه دايما
فوق سطوري
المس الورقه بايدي
و اندهك
و ف عنيا
يبان شعوري
راح تقولك
انتي وحدك
كون بحاله
والوجود شيء
مش ضروري ..
ياللي وهبتيني الحياه
يوم قابلتك
يوم وهبت
العمر كله
لجل ابتسامتك
يومها رمشك
قالي بس كلمتين
ان حبك ...
فيه نهايتك
عصام إمام
16/6
2017
ليست هناك تعليقات:
إرسال تعليق